Kreu i PD-së, Sali Berisha sapo ka dalë nga banesa e tij, për t’u nisur drejt zyrave të SPAK. Berisha është thirrur këtë të mërkurë në SPAK, ndërsa hetimet ndaj tij për dosjen “Partizani” janë drejt fundit.
“Unë dua ta bëj deklaratën time në SPAK. Jam më i motivuar se kurrë, për fitore dhe për të gjitha. Ky është trillim fund e krye. Trillim politik i Edi Ramës, i cili ka zgjeshur mënyrën atërore për të siguruar mandatin e katërt, por atë do ia djegim. Rama nuk do mund t’ia caktojë dot kurrë kandidatin, as kryetarin kësaj partie. Sot, jemi forca politike më sovrane”, u shpreh Berisha para nisjes.
Në SPAK, mësohet se Berishës do i komunikohet akuza e Strukturës së Posaçme.
Në SPAK gjithashtu do të paraqitet edhe dhëndri i tij, Jamarbër Malltezi. Në orën 12:00 do t’i komunikohet akuza Berishës, ndërsa në orën 14:00 Malltezit.
Discussion about this post