Gazment Bardhi inicoi sot një tryezë me 43 deputetë të opozitës me qëllim unifikimin e qëndrimit të tyre përballë Qeverisë dhe Kryeministrit Edi Rama.
Pas shumë muajsht debatesh, replikash e përplasjesh në distancë, përballë njëri-tjetrit u ulën Gazment Bardhi e Sali Berisha, ndërsa në krah të tyre qëndronin “besnikët”.
Në tryezën e parë pas dy vitesh përballje u morën 3 vendime: rikonceptimi i detyrave dhe përbërjes së komisionit zgjedhor, hetim për daljen e të dhënave të qytetarëve dhe njohje me të dhëna se si zyrtarë publikë marrin vendime për të punësuar miq e shokë.
Përtej vendimeve që u morën duket se palët e të njëjtit grupim deputetësh kanë shkëmbyer batuta, si një mënyrë ndoshta për të çtensionuar raportet që kanë pasur, ose për të treguar se e “shkuara” është hedhur pas krahëve.
Gjithsesi fotot e mëposhtme tregojnë se Sali Berisha edhe në këtë takim ka zgjedhur të ketë në krah Flamur Nokën, e pak më tutje Oerd Bylykbashin. Me Nokën madje ka shkëmbyer edhe batuta, teksa shfaqet duke i treguar një mesazh apo foto në celularin e tij.
Në anën tjetër, Bardhi ndodhet me Dashamir Shehin, që sigurisht duhet ti ketë thënë diçka kolegëve deputetë, që pasohet nga të qeshura.
Discussion about this post