Deputeti i Partisë Demokratike Ervin Salianji tha se dorëheqja e Lulzim Bashës nga posti i kreut të Partisë Demokratike është zgjidhja më e mirë për partinë momentalisht.
Në një intervistë për abcnews, Salianji shprehet se pas rezultatit katastrofik për PD-në në zgjedhjet e 6 marsit, Basha duhet të dorëhiqet, ku shtoi se demokratët duhet të bashkohen por me kusht që të largohen nga partia Basha dhe Berisha.
“Nuk kemi vendosur kusht për tërheqjen e Berishës, ai nuk është pjesë e PD. Kemi kërkuar tërheqjen e Bashës për shkak të rezultateve katastrofike të zgjedhjeve. Zgjedhjet ishin një votë kundër Bashës në drejtimin e partisë. Basha nuk ka bërë një betejë të plotë. Nuk ka arritur të kapitalizojë në votë avantazhet që kishte. Është momenti të shohim interesin e PD-së. A e bën Basha fituese PD? Unë besoj se jo. Të bëjmë të pamundurën që PD-ja të bashkohet. Berisha është i përjashtuar nga PD, duhet të shtrohet rruga e bashkimit. Të ketë dorëheqje të Bashës dhe të Berishës që të ketë një bashkim të demokratëve”, u shpreh Salianji.
Discussion about this post