Kryedemokrati Sali Berisha, deklaroi sot se Grupi Parlamentar i PD dhe deputetët e opozitës do t’i japin përgjigjet e merituara Edi Ramës për shkeljen e të drejtave të deputetëve në Kuvend dhe braktisjen që ai i bën parlamentit.
Berisha dha një prononcim të shkurtër në përfundim të mbledhjes së përbashkët të Grupit Parlamentar të PD dhe të aleatëve që u mbaj sot Kryesinë e Kuvendit ku u rakordua qëndrimi që do të mbajnë në sesionin e ri parlamentar që sapo ka nisur.
“Përfundoi mbledhja e Grupit. U diskutua e gjithë axhenda e nesërme e parlamentit, qëndrimet që do të mbajnë deputetët dhe z. Bardhi do t’ju informojë më me hollësi. U diskutua gjërësisht mbi drejtimin absolutisht disfunksional në kundërshtim me ligjin, me Kushtetutën, të parlamentin, shkelmimin nga ana e institucioneve të vendit, të të drejtave elementare të deputetëve për t’u informuar dhe për të informuar zgjedhësit e tyre, braktisjen që i bën Edi Rama, parlamentit. Për të gjitha këto, grupi parlamentar, deputetët e opozitës do të japin përgjigjet e merituara.”
Discussion about this post