Në një konferencë për mediat, ish-kryeministri Sali Berisha ka paralajmëruar protesta të ashpra kundër qeverisë në muajin shtator. Berisha tha se puna për organizimin e tyre do të vijojë edhe gjatë muajve të verës. Ai theksoi se qeveritarët po përdorin të gjallë dhe të vdekur për aferat e tyre të korrupsioni duke përdorur rastin e inceneratorëve.
“Vjedhja shënon një rekord botëror të padëgjuar dhe të paparë. Këshilltari i ministres të ndërtimeve publike më të kushtueshme në Evropë dhe botë, Belinda Balluku një Berberi, Berberi. Çfarë dëshmon kjo. Kjo dëshmon se në këtë vend për shkak të sistemit korruptiv të instaluar nga Edi Rama dhe bashkëpunëtorët e tij. Në një kohë kur qytetarët shqiptarë blejnë naftën me çmimin që e blejnë gjermanët dhe falë bordeve të Edi Ramës paguajnë për djathin, vajin çmimet më të larta për shkak të bordeve komuniste qeveritarët pasurohen 600 mijë herë. Fronti opozitar për shpëtimin e Shqipërisë do punojë edhe gjatë verës për t’u përgatitur për betejën më të fuqishme ndaj këtij regjimi dhe shpëtimin e Shqipërisë prej tij. Gjej rastin të falënderoj mediat të cilët bëjnë një punë me guxim të madh me denoncimin e përditshëm të aferave. Qeveritarët shfrytëzojnë të gjallë dhe të vdekur me aferat e tyre. Nuk janë vetëm rastet e inceneratorëve. Rasti i Gjyste Sermit dhe Gurakuqit apo Hajdarit dhe të tjerë me radhë. Apo rasti i Dervishit. Rama ka me të ish drejtorin e vet bashkë me Veliajn aferat korruptive me të paimagjinueshme. Është shndërruar klientela dhe qeveria janë një në vjedhjen e qytetarëve shqiptarë. Shpëtimi i Shqipërisë është emergjencë kombëtare” – tha Berisha.
Discussion about this post