Ish kryeministri Sali Berisha në fjalën e tij në Kuvendin Kombëtar të PD ka komentuar edhe marrëdhënien e presidentit serb Alexandër Vuçiç dhe kryeministrit Edi Rama.
Berisha tha se Shqipëria nuk duhet të shndërrohet në epiqendrën e luftës së ftohtë ndaj Kosovës, ndërsa paralajmëroi Vuçiç të ndalë kërcënimet se do të ketë fatin e Putin.
“Ne jemi dhe do të jemi për bashkëpunim rajonal, po nuk e shndërrojmë Shqipërinë në epiqendër të luftës së ftohtë ndaj Kosovës. Aleancë në shërbim të influencës ruse në rajon. Miku i ngushtë i Ramës, ka rikthyer Serbinë me politikën e tij ashtu si ka qenë 100 vite më parë, Rusia e vogël në rajon. Ne jemi prapë në këmbë për ti thënë Serbo madhit se çdo përpjekje për stabilizimin e Kosovës do të përballet me kombin tonë. Ka ikur koha, asgjë nuk na impresionon ne, kërcënimet mbaji për vete, fatin që do të pësojë Putin në Ukrainë do e pësosh edhe ti në çdo krahinë tjetër. Ne sot me gjithë kontributin, mbajmë një qëndrim të ngjashëm deri diku që mbante diktatura hoxhiste, sot jemi vendi i vetëm në Evropë që nuk votojnë dot për vendin e tyre”, tha Berisha.
Discussion about this post