Berisha planifikon protestën masive, zbulohet data dhe ora

në Politikë

Kohë leximi: 1 min

Kreu i PD Sali Berisha, ka njoftuar se nesër do të zhvillohet protestë e Aleancës për Mbrojtjen e Teatrit. Berisha ka theksuar se protesta do të zhvillohet nesër në orën 12:00, te sheshi i Teatrit.

Statusi:

Protestë e madhe e Aleancës për Mbrojtjen e Teatrit. Nesër, në ora 12:00, te sheshi i Teatrit, të gjithë në protestë! sb

Kreu i opozitës akuzoi kryeministrin Edi Rama, nga foltorja e Kuvendit duke thënë se ndryshe nga i ati që firmoste për varje poetësh, ai sot shkatërron teatrin dhe shkollat e fëmijëve.“Janë të paktën shekuj mbrapa, kryekëput antishqiptare dhe jashtëzakonisht të rrezikshme për të ardhmen e vendit. Ky njeri, gjenerator negativiteti, me ardhjen në pushtet betejën kryesore e ka bërë me artistët. Bëri gjithçka gjersa rrënoi Teatrin, simbol i kombit. Ky njeri ruan, konservon për artistët atë qëndrim që mbanin etërit e tij ndaj tyre. I ati ishte skulptor, por firmosi të varin një poet në vitin 1988. Ky s’mund të firmosë varje më, por shkatërrime Teatrosh, firmos rrënime të universiteteve. Pra, ky nuk firmos dot varje, por firmos largimin masiv të mjekëve nga Shqipëria. Rrënimin me shpejtësi katastrofale të sistemit shëndetësor dhe u thotë shqiptarëve ka mungesë për 40 mijë mjekë. Mjeran me aleksi, nuk lexon dot”, tha Berisha.