Ish-Kryeministri Sali Berisha tha gjatë mbledhjes së Këshillit Kombëtar të PD-së, se nëse do të kishte pranuar pazarin e Edi Ramës, nuk do e kishte sot dhëndrin në burg, sikundër nuk do të ishte shpallur “non grata”.
Berisha tha se ofertën ia kishin bërë në prill të 2021, atëherë kur ishte marrë vendimi për zgjedhjet në tavolinë dhe kërkonin uratën time.
“Në fakt kjo histori për të cilën ne jemi sot këtu fillon në prillin e vitit 2021, kur zgjedhjet ishin mbyllur në tavolinë pavarësisht nga lumenjtë e djersës që populli fisnik opozitar derdhi në ato zgjedhje për fitore e demokracisë.
Edi Rama qeverisjen pas 25 prillit e kishte mbyllur me Lulzim Pengun. Ky i fundit i kapur me dosjen që ja mban varur Edi Rama shiti zgjedhjet dhe në fund dërgoi njerëzit e tij për të marrë uratën e Sali Berishës, për bashkëqeverisje.
Atë ditë nëse unë kisha pranuar atë marrëveshje sot nuk do të isha non grata, nuk do të kisha dhëndërrin padrejtësisht në burg. Por si mund ta pranoja unë këtë.
Ky pazar me Edi Ramën do të ishte thikë pas shpine në zemrën e shqiptarëve. Ky pazar me Edi Ramën do të ishte vdekja e opozitës, firmosja për të shkatërruar kombin”, tha Berisha.
Discussion about this post