‘Foltorja’ ka publikuar spotin për Kuvendin Kombëtar të 11 dhjetorit. Duke nisur nga Floriana Garo, drejtoresha e Komunikimit të Foltores, disa prej delegatëve dëgjohet të japin mesazhet e tyre për këtë Kuvend të thirrur nga ish-kryeministri Sali Berisha.
“11 dhjetori është dita historike e rithemelimit të Partisë Demokratike dhe pluralizmit politik në Shqipëri”, shprehet Floriana Garo.
“Më 11 dhjetor me votën ju firmosni për të ardhmen tuaj, të fëmijëve tuaj dhe dhe të Shqipërisë. Zoti ju bekoftë!”, është mesazhi i ish-kryeministrit Sali Berisha.
“Dita që do të rikthejë PD-në në shtëpinë e lirisë,”- thotë Luan Buzhiqi.
“Dita që do të rikthejë vlerat tradicionale konservatore, patriotizmin, liritë e individit dhe dinjitetin njerëzor, familjen, pronën dhe qëndresën ndaj komunizimit totalitar në shtylla të programit të saj,”- shprehet Enida Lera.
“Dita që do të garantojë mendimin ndryshe përmes fraksioneve,”- shton Klodian Lala.
“Dita që do të sigurojë vendimmarrjen e anëtarësisë përmes votës së lirë,”- vijon Megi Balliu.
“Zgjedhjen përmes primareve të drejtuesve dhe përfaqësuesve tanë vendorë dhe kombëtarë,”- thotë në fund Erzen Laçi.
Ç’po ndodh brenda Partisë Demokratike?
Historia fillon në 9 shtator kur Lulzim Basha pezulloi Sali Berishën, tashmë “non grata” nga Amerika nga grupi parlamentar. Pas vendimit të Bashës, Berisha iu rikthye aktivitetit të tij politik, duke nisur takimet me bazën që i quajti “Foltore”. Deri në 10 nëntor pretendonin se kishin mbledhur 4200 firma delegatësh për të mbledhur Kuvendin e jashtëzakonshëm kundër Bashës në 11 dhjetor. Kryetari i PD iu përgjigj me një datë tjetër për mbledhjen e Kuvendit në 18 tetor.
Discussion about this post