Shqiptarët e Maqedonisë së Veriut do të shkruajnë për herë të parë vetë historinë e tyre. Projekti madhor i financuar nga qeveria e Maqedonisë së Veriut do të kryhet nga Instituti I Trashëgimisë Shpirtërore e Kulturore të Shqiptarëve në Shkup.
Drejtori i Institutit dhe drejtori i Arkivit të Shqipërisë, nënshkruan një marrëveshje dhe sqaruan projektin.
“Në tekstet mësimore, shkencore e enciklopedinë e Maqedonisë, shqiptarët fyhen. Akti i pranimit të projektit tonë për ta shkruar historinë e trevave lindore dhe zyrtarizimi në aspektin shtetëror nga Ministria e Arsimit për ta mbështetur këtë projekt është kthesë e madhe për shqiptarët në Maqedoni sepse ata do ta shkruajnë historinë e tyre siç është, që të mos lëmë hapësirë për paragjykime siç e kanë bërë më herët historianët maqedonas. Kjo do të reflektohet edhe në tekstet shkollore” – tha Skënder Asani.
Shkrimi për herë të parë të historisë së trevave lindore të kombit tonë një projekt institucional i republikës së Maqedonisë së Veriut. Është nder dhe kënaqësi për drejtorinë e Akrivave që do të kontribuojë në këtë projekt madhor përmes dokumenteve”- u shpreh drejtori i Arkvit të Shqipërisë.
Historia e shkruar nga shqiptarët e Maqedonisë do ketë ndihmën e Tiranës zyrtare dhe Prishtinës. Ai do të pasqyrohet edhe në Historinë e Popullit shqiptar që deri tani sipas Asanit nuk i përfshin rrethanat historike të shqiptarëve të Maqedonisë. Marrëveshja u firmos në kuadër të ekspozitës së çelur për 100 vjetorin e Hasan Prishtinës kryeministër.
Discussion about this post