Sali Berisha ka akuzuar kryeministrin Edi Rama për vendimin që dha dje Gjykata e Apelit, që i la vulën e PD-së, Enkelejd Alibeajt.
Gjatë fjalës në mbledhjen e Kryesisë së tij, Berisha tha se ky moment është dëshmia më flagrante e tmerrit dhe ferrit që ka kapur Ramën.
“E thirrëm këtë mbledhje për të diskutuar lidhur me vendimin e fundit të Ramës për të bllokuar regjistrimin e PD në zgjedhje dhe të marrë për vete vulën e partisë. Ky moment është dëshmia më flagrante e tmerrit dhe ferrit që ka kapur Ramën, mafian shqiptare të tij, por edhe segmentet e mafias ndërkombëtare. Ata e shohin se demokratët janë të pamposhtur.
Ata u përpoqën t’i japin PD goditje fatale, duke i mbajtur një pengpolitik në krye të saj, që e akuzonin publikisht e ligjërisht si një kukull të financuar nga rusët dhe sipas tyre, ky ishte i përshtatshëm për të drejtuar forcën kryesore opozitare.
Ky është paradoksi më i madh. Opozita të kryesohet nga një njeri i financuar nga rusët, nuk ka paradoks më të madh se ku. Këto skenarë që nisën për çelviskosjen e pushtetit të Ramës. Skenari vijoi me proceset të cilat Basha u fut në thes dhe tani Rama mendon se pasi dështoi me bravën do ta ringjallë Bashën me vulën.”, tha Berisha.
Berisha ka bërë thirrje për qytetarët demokratë që të vijojnë me revolucionin e nisur nga PD, për të larguar nga pushteti kryeministrin Edi Rama.
Vendimi i djeshëm ishte një histori turpi e faqe e zezë për të gjithë ata të cilët mbajnë autorësinë e tij. Vendimi u shkrua në zyrat e Ramës e u dërgua në gjykatë nga Kokona ndihmësja e don Agacios e shquar për veprime korruptive.
U them demokratëve dhe demokrateve se Rama mendoi se do na jepte një goditje, por në të vërtetë na dha një kushtrim, nxori fytyrën e tij siç e ka, i gatshëm dhe i aftë të mbajë çdo qendrim e të marrë çdo vendim, për interesa të pushtetit të tij.
Demokratët janë sot të thirrur të vazhdojmë revolucionin tonë. Janë ata të cilët veprojnë në këtë mënyrë të cilët u kemi kallur tmerrin dhe datën, janë ata të cilët bëjnë gjithçka për të shpëtuar nga hovi dhe disfata që i pret.
Janë ata që kërkojnë në mënyrat më antiligjore të na largojnë nga gara, mendojnë se në këtë mënyrë do gjejnë paqen që nuk e meritojnë, do u rezervojmë të kundërtën.
Discussion about this post