Lideri i opozitës, Sali Berisha, iu drejtua gazetarëve përpara Kuvendit, duke vijuar me akuzat e tij ndaj qeverisë dhe kryeministrit Edi Rama. Në fjalën e tij, ai denoncoi lidhjet e Ramës me botën e krimit, duke përmendur konkretisht afera korruptive dhe angazhime të fshehta në fushata zgjedhore. Sipas Berishës, këto lidhje përfshijnë shpërblime të majme përmes lejeve të ndërtimit dhe transaksioneve të dyshimta në sektorin e pasurive të paluajtshme.
Ai gjithashtu deklaroi se denoncimi i tij publik kishte ndikuar në anulimin e një vizite të Ramës në Durrës, ku dyshonte se do të zhvilloheshin takime të dyshimta politike. Berisha nuk kurseu kritikat ndaj influencës së Xhorxh Sorosit në politikën shqiptare, duke e cilësuar Ramën si një “kukull mjerane” të tij. Ai vuri në dukje se kryeministri kishte fshirë nga rrjetet sociale fotografitë me Alexis Soros dhe ish-ambasadoren Yuri Kim, duke e cilësuar këtë si një veprim të qëllimshëm. Përveç kësaj, Berisha u shpreh i gatshëm të publikojë kontratën me strategun politik LaCivita, duke garantuar transparencë të plotë mbi burimin e fondeve.
“U njoftua se po shkonte në Durrës, e denoncova sepse dyshova shumë se po shkonte ti çonte Pojën Erion Veliajt. Dhe unë i jap paralajmërimin më të fortë Xhevdet Troplinit; të mos përzihet, të mos kërcënojë, se do të ketë pasojat më të rënda. Se nuk e çoi kot. E anuloi vizitën, sigurisht se e denoncova në media, dhe e dinte se do të shkonit dhe ju pas, e skishte si të takohej me të. Tani të dashur qytetare dhe qytetarë! Halle, halle kjo dynja, halli, hallit nuk i ngjan. Edi Ramës i janë mbytur xhemitë . Sot në sytë e botës ai është një kukull mjerane e Xhorxh Sorosit. Ai siç e patë ju, ka fshirë të gjitha fotografitë që ka pasur në Instagram me Alexis Soros, dhe me Yuri Kim”, tha Berisha.
Discussion about this post