Ish kryeministri Sali Berisha në deklaratë për mediat nga selia blu ka komentuar vendimin e kryeministrit Edi Rama për të shkarkuar nga detyra e zv kryeministrit Arben Ahmetajn.
Berisha ka akuzuar Ramën si kreun e aferës së inceneratorëve, ndërsa shton Ahmeraj u hoq që Rama të lajë duart me aferën e djegësave.
“Sot njoftohet se Edi Rama për të larë duart me krimin e tij të shëmtuar aferën ndër më të mëdha në historinë e vendit, ata të djegëseve ka shkarkuar nga detyra Arben Ahmetaj. Me këtë rast unë duke e konsideruar Ahmetajn një nga eksponentët kryesor të mafies së djegësve shtoj se kreu i kësaj afere është një dhe vetëm një, dhe ky është Edi Rama. Në aferën e inceneratorëve ka firmosur siç ka pohuar vetë, në kundërshtim me ligjin. Rama ka firmosur në mënyrën më të paligjshme kontratën bazuar ne procedurën antiligjore të negociatave të mbyllura. Edi Rama në shkelje flagrante të ligjit dhe barazisë së tenderave ka firmosur kontratën e një kompanie që kishte zero eksperiencë në fushën e plehrave. Rama është përgjegjësi numër një i vjedhjes monsruoze të shqiptarëve në aferën e djegëseve”, tha Berisha.
Discussion about this post