Kryetari i Partisë Demokratike, Sali Berisha akuzoi kryeministrin Rama se është “zjarrvënësi më i madhe i kombit”. Në një prononcim për mediat nga jashtë ambienteve të SPAK ku u paraqit për masën e sigurisë, Berisha drejtoi gishtin nga Belinda Balluku, që sipas tij bashkë me Ramën dhe Ergys Agasin kanë vjedhur miliarda euro nga taksat e shqiptarëve.
“Me lubi Ballukun, me lindat e tij, me Ergys Agasin ka plaçkitur mbi 12 mld euro nga taksat e shqiptarëve. Ka ndërtuar rrugë 10 herë më shtrenjtë se në Evropë. Ka vjedhur 12 mld euro investime, a ka zjarrvënës më të madhe se Edi Rama, që katandisi pensionistët të flasin me vetë. Ky është zjarrvënësi më i madh i kombit”, tha kreu i PD.
Ai theksoi se protestat dhe revoltat janë e vetmja rrugë për të çliruar sipas tij, vendin.
“Protesta, revolta është misioni i çlirimit të këtij kombi. Ndaj ju lutem, vlerësoni duke bërë krahasime, a ka mungesa më të madhe legjitimiteti sesa të zhvillosh atë falsë elektorale që zhvillove për mandatin e katërt. Ka mungesë më të madhe legjitimiteti sesa të mos lejosh heqjen e imunitetit të Ballukut për faktin se ke vjedhur me të miliarda euro në punë publike”, deklaroi ndër të tjera Berisha.
Discussion about this post