Ish-kryeministri Sali Berisha, në një komunikim me qytetarët në Facebook, ka përsëritur sërish aksionin e 43 deputetëve të opozitës, për të mos lejuar zhvillimin normal të aktivitetit të Kuvendit.
Kjo sipas tij pasi kreu i qeverisë, Edi Rama, u ka mohuar të drejtat kushtetuese politike që u takojnë.
“Dua të diskutoj me ju për aktet diktatoriale të Edi Ramës, me të cilat konfirmon publikisht vendosjen e diktaturës së bandave në Shqipëri, konfirmon veten një diktator që nuk respekton, ligje, votë e Kushtetutë, që ka përqendruar gjithçka në duart e tij. Këto nuk janë deklarata politike, por të vërteta dramatike për çdo qytetarë shqiptar.
43 deputetë të opozitës janë angazhuar në një betejë pa kthim në Parlament për faktin më të paimagjinueshëm sepse Rama ka urdhër konfiskimin e të drejtave të tyre themelore politike, që burojnë nga vota juaj, për të mbrojtur interesat tuaja. Duke u mohuar deputetëve të drejtën e paraqitjes së ligjeve, rezolutave dhe amendamenteve, ai de facto u heq shtyllën kryesore misionit të deputetëve të opozitës. Ka shkuar edhe më tej, u ka mohuar të drejtën për të ngritur komisione parlamentare.
A nuk duhet qytetarët të dinë për të gjitha këto si u ndërtua pallati 5 katësh në sheshin e pallateve nga Linda Rama dhe familja e saj, për të cilën nuk ekziston asnjë faturë tatimore, doganore ose bankare. Linda deklaron se janë ndërtuar me para gjaku, por e di çfarë do të thotë të ndërtohen me para gjaku? Pare krimi. Nuk e di, s’kam asnjë të dhënë që familjarët e saj janë të implikuar në krime, por qytetarët duan të dinë se si u ndërtua pallati.
Dhe sapo Zana Xhuka, ish-kryetarja e ILDKP ndërmori procesin e hetimit të këtryre aferave, Rama e shkarkoi nga detyra në mënyrë antikushtetues. OSBE deklaroi në raport se Rama ka të fshehur në bankat ofshore se ka të fshehura 200 mln euro dhe kjo deklaratë i përket vitit 2014, nuk e mohoi dot kurrë këtë.
Pse ky përqëndrim, nëse nuk përqëndrohemi tek Rama këtu ligj dhe kushtetutë nuk ka më”, tha Berisha.
Discussion about this post