Ish-kryeministri Sali Berisha në një deklaratë për mediat ka deklaruar se e di tashmë që, përpara nisjes së pushimeve, kryeministri Edi Rama duket se po planifikon një manifestim në Tiranë. Në një konferencë me gazetarët ai u shpreh se, ky manifestim është procesion i moralit të monizmit, i cili u firmos më 7 korrik në Bulevardin e Tiranës. Ndërsa ka krahasuar Ramën me Ramizën Alian, duke thënë se po procedon si në komunizëm.
“Shumë interesante. Kur të rinjtë e Tiranës përmbysën perden e hekurt në korrik të vitit 1990 Ramiz Alia i përcolli jashtë ata ushtarakisht. Ata i dhanë një goditje të fortë regjimit, por realizimi i përmbysjes së regjimit nuk u bë. Çfarë bëri. Ramiz Alia organizoi një miting në sheshin Skënderbej. Mirëpo mitingu ishte aq qesharak sa ngjante me një miting funebër. I mori dhe i vuri në kuadrate të gjithë administratën sa që vetë ai nuk erdhi se e kuptoi që ishte skizofitet. Mitingu i Ramës është procesioni i moralit të monizmit i cili u firmos më 7 korrik në Bulevardin e Tiranës”, tha ai.
Ndërkaq, manifestimi i PS-së do të mbahet në sheshin “Skënderbej” me rastin e çeljes së negociatave të Shqipërisë me Bashkimin Europian. Ndërkaq, kjo lëvizje e Ramës vjen pas protestës së 7 korrikut e thirrur nga Sali Berisha kundër qeverisë. Një ndër elementët që u diskutua për tubimin e demokratëve ishte pjesëmarrja. Duket se Rama ka vendosur që edhe ai të nxjerrë njerëzit e tij në shesh, por këta të fundit për të festuar një moment të rëndësishëm të vendit.
Discussion about this post