Ish-kryeministri Sali Berisha vijon me fushatën elektorale. Berisha ka zhvilluar një takim me banorët në Domje, Vorë. Ndër të tjera, Berisha iu ka bërë thirrje të gjithë shqiptarëve të votojnë në zgjedhjet e 6 Marsit pasi janë shumë të rëndësishme për rrëzimin e regjimit. Sakaq, ai ka thënë se shqiptarët nuk kanë asgjë shpresë nga Basha, ndërsa përfaqësuesin e Ramës nuk mund ta votojnë pasi ai është një njeri që nuk e do popullin e vet.
Sipas Berishës, Rama do vetëm përçarje dhe largimin nga BE, këto duken nga fakti se ai vazhdon të mbrojë “Open Balkan” dhe tregon që është vasal i Vuçiç. “Nuk votohet një njeri që vetëm urren, një njeri i cili ka fituar pasaportën e zezë të antishqiptarit. Ka një luftë në zemër të Europës, Rusia ka sulmuar fqinjin e vet, Ukrainën. Edi Rama vazhdon akoma mbron ‘Ballkanin e Hapur’ të kryesuar tërësisht nga Serbia si vasal i Serbisë”
Serbia jo që s’ka dënuar agresionin ndaj Ukrainës, përkundrazi ka kundërshtuar pezullimin e Rusisë nga KiE, përkundrazi shprehet e hapur ndaj saj. Dhe Edi Rama që do të na thoshte ne gjatë vizitës së tij në Uashington se Rusia nuk është armiku ynë. Por nëse nuk është Rusia armiku ynë, mbi tokë nuk ka armik më të madh për ne se Rusia. E tillë ka qenë në shekuj dhe është përpjekur me pushtetin e saj që t’i bëjë çdo të zezë Shqipërisë dhe shqiptarëve kudo që janë“, u shpreh Berisha. Sakaq, Berisha tha se Rama çdo ditë tregon se po vendos në vend një regjim komunist.
Discussion about this post