Berisha reagon për tensionet që u shkaktuan sot në selinë e PD-së: Do mbash përgjegjësi personale për çdo provokim

Ish-kryeministri Sali Berisha ka reaguar pas tensioneve të ndodhura më herët gjatë ditës në selinë qendrore të Partisë Demokratike. Berisha shprehet se Basha organizoi sulm verbal e fizik ndaj zonjave te LDG dhe Komisionit te Rithemelimit dhe e paralajmëron se do mbaje përgjegjësi personale në përballje me mijëra demokrate, për çdo provokim apo incident që njerëz të paguar prej tij do guxojnë të bëjnë ndaj anëtarëve dhe drejtuesve të Partisë Demokratike.

Berisha i përgjigjet dhe deklaratave të Bashës në lidhje me denoncimet ndaj Lefter Kokës dhe çështjes së inceneratorëve.

“Deputeti Lulzim Basha nëpërmjet zëdhënëses së Çoles akuzoi sot Sali Berishën dhe Albana Vokshin se po tërheqin vëmendjen nga afera e incieneratorëve, vetëm për faktin se Albana Vokshi si kryetare e LDGSH shkoi në selinë e Partisë Demokratike për të zhvilluar një mbledhje rutinë, të drejtë të cilën ja kanë dhënë përfundimisht 5 mijë delegatët që i hapën rrugë rithemelimit të Partisë Demokratike. Deputeti Basha për më tepër bëhet qesharak kur bën pyetjen retorike se përse nuk flet për aferën e inceneratorëve Sali Berisha apo ata që e shkarkuan më 11 dhjetor” – shkruan Berisha.

Ai më tej thotë se ai ka qenë ndër më të parët që ka denoncuar këtë mega aferë korruptive në një seri statusesh dhe deklaratash nga viti 2015 e ne vazhdim.

“Së pari, i kujtojmë deputetit Basha se Berisha ka qene ndër më të parët që ka denoncuar këtë mega afere korruptive në një seri statusesh dhe deklaratash nga viti 2015 e ne vazhdim. Dita e sotme, pas 4 vitesh të shpërthimit të kësaj afere ka qenë nga ditët e pakta, për të mos thënë e vetmja, kur ai doli personalisht që të fliste për këtë aferë.

Edhe sot pas arrestimit te Terr Kokës, Berisha ka publikuar dy reagime te forta nder te cilat nje deklerate shteruese ne FB e tij ne te cilën fakton në mënyrë të pakundërshtueshme se Terr Koka meriton plotësisht arrestimin por ai nuk është Koka e grupit te organizuar kriminal dhe dhe se Koka e aferës prej 430 milion euro te djegsave është Kreu i Meduzës se organizatës kriminale Edvin Rama i ndjekur nga Arben Ahmetaj, Don Agacio (te cilit deputeti Basha nuk i përmend dot emrin) Lal Plehu, Bllako etj. I kujtojmë gjithashtu deputetit Basha se drejtues te departamentit për mjedisin në Partinë Demokratike, kane pritur më shumë se 2 vite me padi në dorë në derën e Bashës për ta bërë zyrtare këtë padi” – thotë Berisha.