Në fjalën e tij gjatë tubimit të përnatshëm, kryetari i Partisë Demokratike, Sali Berisha u ndal tek skandali i kompanisë ‘5D’ në bashkinë e Tiranës. Berisha tha se, për të vjedhur 100 për qind paratë, bashkia e Tiranë rrafshoi pallate dhe banesa vetëm e vetëm që kompania ‘5D’ të vidhte paratë.
Kryetari i Partisë Demokratike ka akuzuar drejtuesin e SPAK, Altin Dumani se nuk ka hapur asnjë hetim për zhdukjen e 135 milionë eurove që janë paguar për inceneratorin e Tiranës.
Lideri i opozitës deklaroi se java që vjen është vendimtare për betejën vendimtare ndaj Erion Veliajt. Gjatë fjalës së tij, Berisha tha se ‘revolta dhe zemërimi i popullit do të bjerë me forcën më të madhe mbi Erion Veliajn’.
Kryetari i Partisë Demokratike i ka bërë thirrje Edi Ramës që të anulojë vizitën e tij për takimet me diasporën. Berisha tha se, për emigracionin, Edi Rama është pushtuesi i Shqipërisë.
Kryedemokrati ka ftuar diasporën që të bashkohen të gjithë në në Tiranë në betejë për “çlirimin e kryeqyteti”t. Berisha tha se, “qytetarët janë edhe në betejë për qeverinë teknike”.
Discussion about this post