Ish-kryeministri Sali Berisha deklaroi në një dalje publike se ai është pjesë e grupit parlamentar të PD, pasi është çertifikuar nga KQZ.
“Data 10 ishte ditë historike për mua. Përpjekje e jashtëzakonshme për të cënuar për të marrë sovranitetin e parlamentit, për të diktuar kush do të hyjë në parlament dështoi plotësisht . Garantoj çdo shqiptar që në mënyrë absolute synimi im nuk ishte personi Sali Berisha por sovraniteti i vendit, që për aq kohë sa të jetë i lirë nuk duhet t’i diktojë askush se cilët persona duhet të futen në parlament. Jam anëtar i grupit të PD-së, pavarësisht nga burokracia. Ka një ligj që përcakton se kur deputeti nuk është anëtar i grupit. Jam anëtar sepse kam kandiduar si pjesë e PD-së dhe jo i pavarur. Së dyti KQZ mandatin e Sali Berishës e ka lëshuar si deputet anëtar i PD-së. Së treti z.Basha ka bërë një deklaratë publike duke dhunuar çdo nen të statutit të PD-së. Nuk kam asnjë vërejtje për mendimin e tij personal si kryetar partie që Berisha për këtë shkak nuk duhet të jetë pjesë e grupit por ky vendim është nul e bojë nëse nuk vlerësohet minimumi në këshillin kombëtar të PD-së, ku ai duhej të miratohej me 2/3 siç thotë statuti i PD-së. Deklarata e Lulzim Bashës ka krijuar një traumë shumë të madhe në PD, jua them me fakte dhe sinqeritet, është në krizë të thellë dhe rrezik të madh”- tha Berisha.
Lideri historik i partisë demokratike, paralajmëroi se do të filloj foltoret vetëm e vetëm që të mos lejoj përçarjen e partisë, ku do të diskutohet e ardhmja dhe drejtimi i kësaj partie.
“Kam kërkuar që partia të mos merret me ‘non grata’ nuk doja ta ngjallja këtë debat, por në këto kushte unë nuk dua kurrë që PD-ja nga ky zhvillim të dëmtohet.
Do bëj cdo gjë dhe do ua demonstroj që PD të dalë nga ky proces edhe më e madhe me kushtin me të thjeshtë , që të shprehen antarët me votën e tyre.
Nuk ka gjë që e shëron këtë përcarje përvecse kjo.
Lëvzija ime mbyllet ashtu sic voton antarsia nuk kam këtrë qëllim, por vetëm ta shpëtoj PD nga një situatë tejet e rënde nga një vendim i paimagjinueshëm
Do bëj gjithcka për të mos lejuar zvogëlimin e partisë, do filloj foltoret me antërësinë vetëm me këtë qëllim” – tha Berisha.
