Barcelona sfidon kampionët e Gjermanisë këtë mesjavë në ligën e kampionëve. Katalanasit kërkojnë hakmarrjen ndaj pancerave për humbjen e thellë 8-2 dy vite më parë. Trajneri i skuadrës së Barcelonës, Roland Kuman ka vlerësuar Bajernin ndërsa ka theksuar se kjo sfidë është si një barometër për cilësitë e katalanasve.
“Bayern është ekip i madh, me cilësi shumë të mira individuale, me lojtarë me përvojë. Kam shumë shpresë se mund të konkurrojmë në Champios League. Luajmë në shtëpi dhe do të përpiqemi të marrim rezultat të mirë.
Humbja 8-2? Kemi folur për atë që ndodhi më shumë se një vit më parë. Është një mundësi për të ndryshuar situatën për ata që e përjetuan atë humbje. Do te jetë një ndeshje me intensitet dhe ne mund ta godasim Bayernin. Mund t’ia dalim.
Mendoj se fizikisht jemi mirë. Ata që kanë qenë me kombëtaret kanë pushuar, kurse pjesa tjetër janë stërvitur shumë. Triumfi në Champions? Është një pyetje të cilës nuk mund t’i përgjigjem. Nesër mund të nxirren përfundimet. Rivali ynë do maksimumin, kurse vjet e fitoi Chelsea dhe nuk ishte favorit.
