Komisioni i Rithemelimit ka njoftuar se Kuvendi Kombëtar i PD i paralajmëruar se do të mbahej më 22 mars, do të shtyhet për më 30 prill.
Në një deklaratë për mediat, Komisioni i Rithemelimit thotë se ka zhvilluar dhë një analizë për zgjedhjet e 6 marsit, ku fitoi bashkinë e Shkodrës nga 6 bashkitë ku u zhvilluan zgjedhjet.
Komisioni i Rithemelimit thotë se ka vendosur të nisë procesin statutor te riorganizimit të strukturave të degëve në këto bashki, proces i frenuar për shkak të zgjedhjeve. Po ashtu, të vazhdojë dhe të permbyllë procesin statutor në degët tjera konform udhëzimeve.
Deklarata
Komisioni i Rithemelimit të PD në mbledhjen e datës 10 mars, pasi analizoi zhvillimet politike si dhe zgjedhjet e pjesshme lokale të zhvilluara në 6 bashkitë e vendit, falenderon kandidatët e Shtepisë së Lirisë dhe të gjithë zgjedhësit e 6 bashkive për garën e dinjitoze dhe performancën e mirë në këto zgjedhje lokale.
Në këtë mbledhje, Komisioni i Rithemelimit gjithashtu vendosi:
Të zhvillojë me prioritet analizën e rezultateve zgjedhore në 6 bashkitë ku u zhvilluan zgjedhjet lokale,
Te nisë procesin statutor te riorganizimit të strukturave të degëve në këto bashki, proces i frenuar për shkak te këtyre zgjedhjeve,
Të vazhdojë dhe të permbyllë procesin statutor në degët tjera konform udhëzimeve.
Për arsyet e sipërpërmendura, në mënyrë që gjithë ky proces te përfundojë me sukses, Komisioni i Rithemelimit të PD vendosi që të shtyjë mbajtjen e Kuvendit Kombëtar në datën 30 prill.
Discussion about this post