Kryeministri Edi Rama ishte ditën e djeshme në Dibër, ku u ndal tek parcela me qershi e një fermeri, Veip Salkurti.
Fermeri, i cili i tregoi kryeministrit Rama për ecurinë e vjeljes së qershive nuk është një figurë e panjohur për publikun.
Përveç se fermer, ai ka qënë mbështetës i Partisë Demokratike. Në vitin 2013-të, atij iu dha fjala në Konventën për Zhvillimin Rural të Partisë Demokratike.
‘Kryeministri, Skënderbeu i Shqipërisë Sali Berisha. PD më ka mundësuar që të kem një fermë me një teknologji bashkëkohore’- është pjesë nga fjalimi i zjarrtë i fermerit i cili u shoqërua me ovacione dhe duartrokitje. Sjellim në kujtesë që pak vite më vonë të njëjtën deklaratë e bëri ministrja Spiropali për kreun e Partisë Socialiste, Edi Rama gjatë një fushatë elektorale.
Nuk dihet nëse pas kaq vitesh Salkurti është tërhequr nga fusha politike e nga mbështetja për Partinë Demokratike.
Discussion about this post