Ish-kryeministri, Sali Berisha, ka zhvilluar ditën e sotme një takim e anëtarët e rinj të FRPD në qytetin e Kavajës, atje ku pritet të mbahet “Foltorja” e radhës. Përmes një postimi në Facebook Berisha ka ndarë disa foto nga takimi si dhe ka publikuar emrat e anëtarëve të rinj, duke thënë se ata e presin si shpresë zhvillimin e foltores atje. “Një album me foto nga takimi me drejtues dhe aktivistë të FRPD Kavajë! Ata presin me padurim si dritë shprese Foltoren. Këtu keni emrat e tyre Për të rinjtë e FRPD;Arnold Kariqi, Ibrahim Skuqi, Florian Merhori, Kejdi Kadiu, Lorela Kollçaku, Muhamed Babamusta, Fatma Babamusta, Edon Shamata, Idina Beçerri, Franci Turra, Fitnete Allajbej, Gevi Madani, Sabina Allajbej, Egli Rrugeja, Klara Rrugeja, Albi Rrugeja, Suejda Arkaxhiu, Muhamet Abrija, Iri Kanapari, Xhorxho Sqapi, Mimi Hyka, Arnel Abrija, Hydajet Hoxha. Rrofte rinia e Kavaja”, shkruan ai.
Ashtu sikur ishte njoftuar më parë “Foltorja” në qytetin e Kavajës do të jetë e fundit nga cikli i të gjithë foltoreve të zhvilluara për grumbullimin e firmave. Në takimin e herës së fundit në Berat, ish kryeministri Sali Berisha tha se, foltorja e fundit do të zhvillohet ditën e martë me datë 26 tetor, në atë ditë do të vendoset data se kur do të mblidhet Kuvendi i Partisë Demokratike.
Berisha është shprehur optimist për mbledhjen e Kuvendit, pasi ka bërë me dije që ka ftuar mbështetje të madhe nga foltoret e zhvilluara si dhe ka mundur të grumbullojë më shumë se 2/3 e votave të nevojshme.
