Pak ditë para protestës së 11 Shkurtit, Sali Berisha ka ashpërsuar gjuhën ndaj rivalëve politikë. Në një takim me demokratët e Tiranës, Berisha foli për Taulant Ballën, për të cilin tha se karrierën e tij e ka nisur si trafikant prostitutash.
“Taulant Balla e ka nisur jetën e tij si trafikant femrash. E ka kap ambasadori në Rumani, diplomati ynë duke nxjerrë viza për prostitutet moldave. I dërgoi shkresat Fatos Nanos. Fatos Nano e përdori sipas qejfit të vet. E kuptoni vetë ju!” tha Berisha.
Kreu i PD shigjetoi edhe Lulzim Bashën në takimin që pati me demokratët.
“Edi Rama ja doli të përdorë një njeri si ai dhe cili është rezultati thoni ju, rezultati është ish-kryetari peng i Edi Ramës. Tani besoj se ska njeri dyshime më. Dhe sot që ka dalë ky skandal nuk guxon të thotë një fjalë, sepse është peng. Sot nuk ndjen asnjë përgjegjësi para jush, para 620 mijë shqiptarëve që votuan, nuk ka sepse ka shitur lëkurën e tij”, tha ai.
Discussion about this post