Berisha: Të angazhohemi për një politikë që do të kthejë në vend të rinjtë shqiptarë, kudo që ndodhen

Kryetari i Partisë Demokratike, Sali Berisha, mori sot pjesë në një tryezë diskutimi me temën “Riktheni të rinjtë shqiptarë përsëri në atdhe”.

Gjatë fjalës së tij, Berisha u shpreh se të rinjtë do të jenë në qendër të fushatës zgjedhore të PD-së.

Ne do të jemi të angazhuar ndaj një politike e cila do të kthejë të rinjtë shqiptarë kudo që ndodhen, kudo ku punojnë në botë., Po të shikosh sot në mbarë botën më të famshmit mes shqiptarëve janë të rinjtë. Le të marrim Mira Muratin, ajo është magjistarja e inteligjencës artificiale. Dua Lipa ndoshta zëri më i bukur sot në skenën botërore.

Ne kemi nevojë shumë për kontributin e të rinjve. Ai kontribut është jetik, misioni ynë nuk mund të realizohet pa vizionin tuaj. Ëndrrat tuaj do ti japin të ardhmen këtij vendi”, tha ndër të tjera Berisha.

Pjesë nga fjala

Së pari, urime për këtë ditë të rëndësishme, që kurorëzon sakrificat dhe tregon çdo arritje dhe në bazë të gjithçkaje është sakrifica e njeriut, duken ëndërrat, ambiciet tuaja, synimet tuaja se çfarë dëshironi të realizoni.

Dua të ju falënderoj edhe njëherë presidencën për praninë e tyre këtu në mbështetje të PD, dhe të ju falënderoj të gjithë juve, departamentin për të rinjtë dhe FRPD-në për punën e tyre të shkëlqyer.

Është një kontribut i rëndësishëm që i është sjellë PD-së dhe Shqipërisë.

Tani ne jemi në fushatë zgjedhore dhe kam folur me drejtuesit, dhe e kuptojmë se fytyra e fushatës tonë, të jetë fytyra juaj, shëmbëlltyra e fushatës tonë të jetë fytyra juaj dhe mendoj se kjo është gjëja më e mirë.

Kjo të jetë shëmbëlltyra më e mirë e cila duhet të përhapet në mbarë vendin.

Puna më intensive gjatë këtyre 40 ditëve, do të bëhet prej kush, sepse dinamizmi, dinamika juaj është jetësore dhe do të tregojë shëmbëlltyrën e vërtetë të PD.

Në këtë fushatë, ka 58 kandidatë nën moshën 40 vjeç. Kjo është mosha e pranueshme për ta quajtur dikë të ri.

Ne do të jemi të angazhuar ndaj një politike, e cila do të kthejë të rinjtë shqiptarë, kudo që ndodhen, kudo ku punojnë në botë, dhe po të shikosh sot në mbarë botën më të famshmit mes shqiptarëve janë të rinjtë.

Le të marrim Mira Muratin. Ajo është magjistarja e inteligjencës artificiale dhe Dua Lipa, ndoshta është zëri më i bukur sot në skenën botërore.

Ideja e rikthimit të trurit u diktua prej largimit të trurit. Ne po përballemi me një eksod të madh gjatë viteve të fundit.

Ne nuk duhet të shkurajohemi, duhet të bëjmë çmos në mënyrë që gjërat të funksionojnë më mirë. Ajo që tregoi departamenti duke punuar si opozitë, punoi shumë më mirë për tu afruar pranë të rinjve. Këta të rinj do të jenë pjesë substanciale e administratës së ardhshme. Ne kemi nevojë shumë për kontributin e të rinjve. Ai kontribut është jetik, misioni ynë nuk mund të realizohet pa vizionin tuaj. Ëndrrat tuaj do ti japin të ardhmen këtij vendi.