Ish-kryeministrit Sali Berisha, është ndalur ditën e sotme edhe në qytetin e Gjirokastrës për të festuar 31-vjetori e themelimit të Partisë Demokratike. Kur kanë mbetur 2 ditë nga tubimi i të shtunës, Berisha u bëri thirrje sërish deputetëve përkrah Bashës dhe demokratëve për reflektim.
“Dua tu bëj thirrje deputetëve të PD dhe të gjithë demokratëve, mos u bëni pjesë e një skenari makabër kundër pluralizimit. Nuk është çështja këtu midis Sali Berishës dhe Lulzim Bashës, çështja këtu është te raporti jetim për një shoqëri të lirë, raporti shumicë-pakicë. Mos u bëni skllevër të një njeriu që ju shet dhe blen çdo ditë për interesa të veta. Kjo është partia juaj dhe ju jeni deputetët e saj, ju të tjerët që nuk jeni deputetë keni investimet tuaja që ne ua respektojmë” – tha Berisha.
Më tej Berisha u ka bërë thirrje demokratëve që më 8 janar t’i bashkohen protestës në shtëpinë e demokratëve.
“Të bashkohemi me 8 janar, të gjithë së bashku në një manifestim proteste si në një Festival të shkojmë në shtëpinë tonë, në shtëpinë e demokratëve, të zbatojmë vendimin e 44 mijë anëtarëve të PD, të cilin peng Basha nuk do ta njohë. Është mision” – u shpreh Berisha.
Berisha tha se Basha e ka kthyer shtëpinë e demokratëve në bunker ku mund të futen vetëm banditë, vrasës e kriminelë.
Discussion about this post