Kreu demokrat Sali Berisha u shpreh se ai do të votëbesohet jo nga Kuvendi i PD-së që drejton, por nga anëtarësia e saj.
Votëbesimi është një procedurë që Rithemelimi e sanksionoi në statutin e 11 dhjetorit në rast të humbjes në zgjehdjet vendore.
“Unë nuk votëbesohem në Kuvend, por në referendum. Do të caktohet një datë. U bë mbledhja e kryesisë, u bë mbledhja e Këshillit Kombëtar, u miratua rezoluta.
Tani duhet të mblidhet kryesia dhe duhet të përcaktojë agjendën e veprimeve. Është i pashmangshëm.
Votëbesimi është ligj absolut, kjo është”, tha Berisha.
Por në shtator, me nisjen e sesionit të ri parlamentar, deputetët demokratë do të duhet të depozitojnë emrin e kreut të grupit parlamentar, pozicion që sot mbahet nga Gazment Bardhi. A do të mbështesë edhe grupimi i Berishës emrin e Gazment Bardhit?
Kreu demokrat shmangu komenjtet por tha se PD do të ketë grupin e saj parlamentar në fillimin e sesionit. Berisha u shpreh se i takon deputetëve të vendosin se kush do të jetë kryetari i grupit, por shprehu bindjen se PD do të ketë grupin e vet.
Në anën tjetër është Lulzim Basha, i cili ka në krah 5-6 deputetë, ndërkohë që pjesa tjetër e ligjvënësve që ishin në një grupim përballë atij të kreut demokrat Berisha, sot ndodhen në pozicionuar në krah të Gazment Bardhit.
Nuk dihet nëse grupimi i deputetëve të Berishës do të bashkohet ose jo me atë të Gazment Bardhit, dhe nëse do të pranohet që ish-Kryeministri, i përjashtuar si deputet i PD-së me firmën e Lulzim Bashës, do të rikthehet në grupin parlamentar.
Discussion about this post