Ka ardhur reagimi i parë i qeverisë për dhunën e ushtruar ndaj kryetarit të Partisë Demokratike, Sali Berisha. Pasi përfundoi konferencën për Marrëveshjen Roaming nga e cila qytetarët e vendeve të Ballkanit Perëndimor do të përfitojnë reduktim të shërbimit Roaming me vendet e Bashkimit Europian, zëvendës kryeministrja Belinda Balluku u pyet nga gazetarët për atë që i ndodhi Berishës.
Lexo edhe: Berisha pas grushtit në fytyrë: Ne sot jemi fatkeq sepse…
Balluku bëri të ditur se nuk dinte asgjë për atë që kishte ndodhur pasi ishte në samit, mirëpo shpreson që Berisha të jetë mirë me shëndet.
“Lideri i opozitës është gjakosur? Nuk kam informacion, kam qenë në marrëveshje. Aktet e dhunës nuk janë të mira, shpresoj që Berisha të jetë mirë me shëndet”, tha Balluku.
Ditën e sotme në protestën e opozitës, një qytetar goditi me grusht kryedemokratin, Sali Berisha. Më pas, truprojat e Berishës e kapën dhe dhunuan agresorin. Ky i fundit është marrë nga policia, ndërsa Berisha vijon pa ndërprerje protestën.
Discussion about this post