Kryedemokrati Sali Berisha ka komentuar sot deklaratat e fundit të Edi Ramës në konferencën me gazetarët. I ndalur tek afera e inceneratorëve, Berisha u shpreh se ‘Rama përpiqet të mbyllë vjedhjen dhe krimin e shëmtuar me djegësin e Elbasanit’.
Sipas tij, me këtë incenerator shqiptarëve u janë vjedhur 28 milionë euro.
Ndërsa për inceneratorin e Fierit, Berisha u shpreh se “ajo rrangallë thuhet se “është çmontuar nga Konstanca e Rumanisë si një impiant i viteve 70”.
“Edi Rama në daljen e tij të fundit publike faktoi shqiptarëve se ai është autori numër një i vjedhjeve të shekullit, vjedhjes me inceneratorët dhe vjedhjes me PPP në fushën e shëndetësisë. Ai doli të shtunën para gazetarëve për veprat penale më të rëndë, të djegësve dhe sterilizimit, të sekuestruara si vepra krimi, duke vlerësuar krimet e shëmtuara që kanë ndodhur me to, thjesht si mangësi në ndërtime. Konkretisht ai u shpreh: Ka pasur mangësi dhe nevoja
Me mangësi dhe nevoja Edi Rama përpiqet të mbyllë vjedhjen dhe krimin e shëmtuar me djegësin e Elbasanit, me të cilit ju vodhën qytetarëve 28 mln euro dhe tani ka ngelur një rrangallë pa funksion, çka dëshmoi qartë se djegia e malit të plehrave në Elbasan ditën që Rama tha se ai ekziston dhe përpjekja e hapur e tij për djegien dhe asgjësimin e kësaj vepre.
Edi Rama vlerësoi si mangësi dhe nevoja krimin e shëmtuar të 40 mln euro të djegësit të Fierit, që sipas dokumenteve zyrtare u njoftua nga pronari në letër Zoto se djegësi i Fierit ka përfunduar dhe kërkohej nga bashkia e Fierit që ta marrin atë.
Pasi janë shpenzuar 38 mln euro, nevojiten edhe 4 mln të tjera që mafia e plehrave ti përvetësojë dhe t’i cojë në kontot bankare dhe shqiptarët të marrin një rrangullin që thuhet se është çmontuar nga Konstanca e Rumanisë si një impiant i viteve 70”, tha Berisha.
Discussion about this post