Jo më larg se një muaj më parë, ish-deputeti i Partisë Demokratike, Dashnor Sula u zgjodh kryeinpektor në qeverinë Rama 4, e kjo solli jo pak diskutim. Por me sa duke tai nuk është i vetmi që ka “braktisur” PD-në për PS-në. Kjo pasi vetë kryeministri Rama teksa ndodhej këtë të shtunë në Prrjenasm duke ironizuar protestat e opozitës u shpreh se ka edhe demokratë të tjerë të cilët i janë bashkuar partisë socialiste.
“Shqipëria nuk kthehet më mbrapa, do ta çojmë përpara me të gjithë demokratët që e gjejnë rrugën. Rrugën do ta hapim ne dhe nuk janë pak. Drejtuesja e Agjencisë së Rinisë ka qenë udhëheqëse e rinisë së PD-së dhe thotë: ‘Ku paskam qenë?’ Pse, a nuk e sheh që është mes njerëzish dhe jo mes qorrash”, tha Rama ndër të tjera.
Kush është drejtoresha e Agjencisë? Sipas faqes zyrtare të institucionit Sara Bodo rezulton si drejtuese. Në vitin 2021 ajo është prezantuar si kryetarja e FRPD Vlorë, e në atë kohë mbështeste Lulzim Bashën si kryetar të Partisë Demokratike.
Në tetor të 2025, Bodo rezulkton të jetë emëruar si drejoreshë e Agjencisë së Rinisë.
Deklarata e Agjencisë:
“Agjencia Kombëtare e Rinisë mirëpret znj. Sara Bodo në cilësinë e saj zyrtare si Drejtoreshë e institucionit, duke shënuar fillimin e një kapitulli të ri dhe të rëndësishëm për Agjencinë dhe politikat rinore në vend.
Me një formim akademik në Itali dhe Mbretërinë e Bashkuar, përvojë të gjerë si në sektorin publik ashtu edhe në atë privat, si dhe angazhim të gjatë me të rinjtë dhe shoqërinë civile, znj. Bodo sjell me vete një vizion të qartë, energji të ripërtërirë dhe një angazhim të palëkundur për të çuar përpara çështjet që lidhen me të rinjtë.
Agjencia Kombëtare e Rinisë mbetet e vendosur për të forcuar rolin e të rinjve në zhvillimin social dhe ekonomik të vendit. Nën këtë udhëheqje të re dhe me një vizion të qartë strategjik, Agjencia do të vazhdojë të shërbejë si një institucion i hapur, gjithëpërfshirës, i orientuar drejt nevojave dhe aspiratave të të rinjve shqiptarë”
Discussion about this post