Banka Europiane për Ndërtim dhe Zhvillim ka publikuar një bilanc më të dobët të rritjes ekonomike për këtë vit. Në një raport të publikuar ditën e sotme BERZH ka ulur në 8% rritjen ekonomike për vendin tonë nga 11% që parashikohej disa muaj më parë. Sipas BERZH është parashikuar ky nivel për shkak se gjatë sezonit turistik, sektorët kryesorë nuk arritën të rriteshin në nivelin e pritur.
“Ekonomia është parashikohet të rritet me 8.0 për qind në vitin 2021 dhe më pas 3.7 për qind në 2022, për shkak se sektori i shërbimeve, ai turizmit dhe bujqësia nuk arritën nivelin e parashikuar.
Në vijim ekonomia e vendit sipas BERZH do të mbështetet nga rindërtimi i vendit. Ndërkohë BERZH për Ballkanin ngre si shqetësim vaksinimin.
“Shkalla e ulët e vaksinimit, me variacione të konsiderueshme midis vendeve, dhe varësia nga kërkesa e jashtme shkaktojnë pasiguri të konsiderueshme në opinion afatshkurtër”, thuhet ndër të tjera në vlerësimin e BERZH.
Sakaq, BERZH evidenton se turizmi ka dhënë kontributin më kryesor, por jo fort i konsiderueshëm në raport me nevojat që ka vendi ynë. Në raport thuhet se, vendi ynë mund të njohë rikuperim të efektshëm vetëm në vitin 2022.
Discussion about this post