Tirana nuk ja ka dalë mbanë që të bëjë një kthim të rezultatit të përgjithshëm, duke u mposhtur edhe në takimin e kthimit, përballë Beshiktash të Stambollit me shifrat 2-0.
Bardhezinjtë turq, treguan edhe një herë tjetër, se janë shumë më lart se skuadrat shqiptare, duke mos e vënë asnjëherë në diskutim, kualifikimin për në turin tjetër të Conference League.
Tirana nga ana e saj, krijoi disa raste për gol në fillimin e ndeshjes, port mbrojtja e të besuarve të Gunesh, ishte e vëmendshme përballë sulmeve të vendasve.
E vetmja gjë që ra, më shumë, në sy, nga gjithçka që ndodhi sonte, ishte fakti që takimi nisi me disa minuta vonesë, për arsye të sherrit mes dy tifozërive.
Pjesa e parë ishte e ekulibruar përsa i përket rezultatit, me të dyja skuadrat që I mbyllën 45 minutat e para, me shifrat 0-0.
Në pjesën e dytë, pak lodhja fizike si dhe nevoja për të realizuar e Tiranës, bënë që ekulibrat të prisheshin, në favor të Beshiktash. Në minutën e 57’, nga një përgjumje e mbrojtjes shqiptare, Amartey dërgoi në avantazh klubin tur, duke goditur saktë me kokë.
Ky gol ishte si një sentencë për Tiranën, e cila pavarësisht avantazhit numerik (kartoni i kuq për Masuaku në minutën 66’), nuk arriti që të barazonte shifrat.
Për të mbyllur historinë e takimit, mendoi ish-lojtari i Al-Nassr, Vinsent Abubakar, i cili, në minutën e 75’, realizoi një gol shumë të bukur, falë një goditje në ajër.
Me këtë fitore, Beshiktash, kualifikohet në turin e tretë kualifikues të Conference League, ndërsa Tirana, i jep lamtumirën kupave europiane, duhet thënë ama se kundërshtari që i qëlloi përballë bardhebluve ishte i një niveli elitar, ndryshe nga ekipe si Atletik Eskaldes apo Valmiera.
Tashmë, Shehi dhe skuadra e tij duhet të fokusohen te fillimi I Kampionatit, ku takimin e parë e kanë përballë Dinamos./m.b /gijotina.com
Discussion about this post