Besimi i amerikanëve tek ushtria është në pikën më të ulët në dy dekada, sipas të dhënave të reja nga Gallup.
Gjetja konsiderohet të jetë e një rëndësie të veçantë. Kjo për shkak se ushtria kishte ruajtur besimin e publikut edhe kur institucionet e tjera, si policia, shkollat publike dhe feja e organizuar, ishin në rënie.
Megjithatë, pavarësisht nga normat në rënie, ajo mbetet një nga institucionet më të besuara të Amerikës.
Në një sondazh të Gallup të kryer nga 1 deri më 22 qershor, 60% e të anketuarve shprehën besim tek ushtria, e cila u rendit e dyta në mesin e 17 institucioneve të përfshira në pyetësor. Në vend të parë janë bizneset e vogla. Ushtria mbetet përpara policisë (43%), sistemit mjekësor (34% ) dhefeja e organizuar (32%). Gazetat (18%) dhe Kongresi (8%) janë në vendet e fundit.
Besimi filloi të bjerë pas tërheqjes kaotike nga Afganistani, besimi i amerikanëve në ushtrinë e vendit u luhat midis 50% dhe 58% gjatë Luftës së Ftohtë dhe kërcënimeve ndaj fuqisë amerikane, si kriza e pengjeve në Iran, sipas Gallup.
Megjithatë, besimi në ushtri u rrit pas fitores në Luftën e Gjirit dhe më pas pas 11 shtatorit. Besimi i publikut filloi të bjerë pas tërheqjes kaotike të SHBA nga Afganistani në vitin 2021.
Republikanët tregojnë më shumë besim te ushtria, por përqindja ra nga 91% në 2020 në 68% këtë vit. Midis demokratëve, besimi u rrit në 62% kur Joe Biden mori detyrën , por që atëherë ka rënë.
Discussion about this post