Ish-ministri i Jashtëm Besnik Mustafaj ka komentuar sot situtaën në PD si dhe për debatet që kanë sjellë “Foltoret” e Berishës në Parlament. Përmes një interviste televizive ai tha se, është një skenë e pakuptimtë më së shumti nga ana e Bashës, i cili duket sikur imiton Berishën.
Sipas tij, këto foltore po rizgjojnë PD, ndërsa shkarkimi i Bashës është shumë afër për shkak se janë mbledhur 1500 firmat që nevojiten për ngritjen e Kongresit.
“Berisha i drejtohet Ramës në këto foltore. Edhe fokusi i Berishës me njerëzit që mblidhen rreth tij është qeveria. Fakti që përmendet në Parlament kaq shumë kjo tregon fuqinë e tij. Se deri kur do jetë i dobishëm mbetet për t’u parë.
Basha po bën ç’është e mundur t’i shmanget një përplasje me Berishën. Në të gjitha rrethet po shfaqet me fytyrë dhe zë edhe një pjesë e madhe e PD. Një gabim shprehje bëri Basha që i quajti llum. Kam informacion që janë mbledhur 1500 firmat dhe është gati për ta mbledhur kongresin, por ai do ta plotësojë lëvizjen në të gjitha qarqet mesa duket. Kjo lëvizje e artikuluar nga Berisha ka nisur nga ndryshimet statutore”, tha ai.
Në koment të deklaratës së Ramës e do çojmë satelitë në orbitë, Mustafaj tha se nuk e beson një gjë të tillë dhe se nëse ndodh sipas tij kjo do ishte çmenduria maksimale e Ramës si lider.
