Partia Demokratike do të organizojë këtë të shtunë aktivitetin më të rëndësishëm, që cilësohet Kuvendi Kombëtqr, ndërkohë që pala tjetër që kundërshton Bashën, kanë organizuar referendum për shkarkimin e tij, i cili bazohet në vendimin e Kuvendit të organizuar më 11 dhjetor nga Berisha, por që nuk ëahtë njohur nga PD zyrtare.
Mbledhja e Kuvendit të PD do të zhvillohet te Pallati i Kongreseve, ku nën sloganin “Të zgjedhim të ardhmen”, kryedemokrati Basha dhe demokratët e tjerë do të japin mesazhet e tyre në podium.
Paralelisht me Kuvendin Kombëtar të thirrur nga kreu i PD, ish-kryeministri Sali Berisha ka ftuar në referendum mbështetësit e tij për shkarkimin e kryetarit.
Ndërkohë PD është tashmë me dy statute në Gjykatën e Tiranës, njëri i dorëzuar nga Lulzim Basha i ndryshuar në Kuvendin e Partisë Demokratike në 17 korrik dhe një tjetër dorëzuar nga Berisha për regjistrim statutin e ri. Të dyja palët nuk njohin statutet e njëra-tjetrës, ndërsa ditët në vijim pritet të jenë mjaft vendimtare për fatin e partisë më të madhe opozitare në vend.
Discussion about this post