Presidenti në largim i SHBA-së, Joe Biden ka autorizuar Ukrainën të godasë territorin rus me raketa amerikane me rreze të gjatë veprimi, thanë dje zyrtarët për median amerikane, duke ndryshuar politikën e tij me vetëm dy muaj të mbetur në detyrë.
“New York Times” raportoi, duke cituar zyrtarë të paidentifikuar të qeverisë amerikane, se Ukraina tani mund të përdorë sistemin raketor ATACMS në rajonin perëndimor rus të Kurskut, një pjesë e të cilit është e pushtuar nga forcat ukrainase.
“Washington Post” tha se autorizimi është një përgjigje ndaj dislokimit të mijëra ushtarëve të Koresë së Veriut në rajonin e Kurskut dhe synon të pengojë Phenianin nga dërgimi i më shumë trupave.
Departamenti Amerikan i Mbrojtjes nuk pranoi të komentonte raportet kur u pyet nga dpa.
Presidenti ukrainas Volodymyr Zelensky, ndërkohë, la të kuptohet se Ukrainës i është dhënë leja për të përdorur armë me rreze të gjatë kundër Rusisë.
Discussion about this post