Presidenti amerikan Joe Biden ka telefonuar dy pengjet amerikane të liruara nga Hamasi një ditë më parë.
Një postim në platformën X nga Ambasada e SHBA-së në Jerusalem është publikuar fotoja e pengjeve të liruara.
“Ne do të vazhdojmë të bëjmë gjithçka që mundemi për të bashkuar të gjithë pengjet me të dashurit e tyre”, thuhet në njoftimin.
Babai dhe ish-bashkëshorti i pengjeve të liruara thotë se të dyja duken shumë mirë.
Sot bëhen dy javë që kur Hamasi nisi një sulm të paprecedentë në Izraelin jugor, duke vrarë më shumë se 1400 njerëz dhe duke marrë peng rreth 200 të tjerë.
Si hakmarrje, Izraeli ka bombarduar Rripin e Gazës, një enklavë palestineze. Më shumë se 4,000 njerëz janë vrarë, sipas ministrisë së shëndetësisë të drejtuar nga Hamasi atje.
Dy të parët nga rreth 200 pengjet që mbaheshin nga Hamasi në Gaza u liruan të premten në një marrëveshje të ndërmjetësuar nga Katari.
Familjarët e shtetasve amerikanë Judith Raanan dhe vajza e saj Natalie kanë shprehur lehtësimin e tyre. Babai i Natalie tha për mediat amerikane se kishte përjetuar “dy javët më të këqija” të jetës së tij. Vwllai i 17-vjeçares shprehu përr BBC për “ndjenjën e tij të madhe të gëzimit”.
Gjysmëhëna e Kuqe Palestineze tha se Izraeli lëshoi një urdhër evakuimi për spitalin Al-Quds në Gaza, ku aktualisht janë strehuar më shumë se 400 pacientë dhe 12,000 civilë të zhvendosur.
Shefi i Organizatës Botërore të Shëndetësisë e quajti urdhrin e supozuar të evakuimit “shqetësues” dhe theksoi se “është e pamundur që këto spitale të mbipopulluara të evakuojnë pacientët në mënyrë të sigurt”.
Dhe liderët e vendeve arabe dhe evropiane do të takohen për një samit në Egjipt për të diskutuar krizën, por pritshmëritë janë të ulëta sepse lojtarët kryesorë si Irani dhe vetë Izraeli nuk pritet të marrin pjesë.
#BREAKING | JUST IN: LIVE VIDEO OF THE TWO AMERICAN HOSTAGES RELEASED BY HAMAS#Gaza #Israel #غزة #فلسطين pic.twitter.com/WU0JjVSoy2
— Breaking news 24/7 (@aliifil1) October 21, 2023
Discussion about this post