Një 18-vjeçar ka humbur jetën pasi ka rënë nga lartësia.
Viktima është identifikuar si Franco Mazelli. Familja e tij me origjinë shqiptare banon në Fermano.
I riu ka rënë nga çatia e një fabrike në zonën industriale të Porto Sant’Elpidio, në provincën e Fermos.
Sipas të dhënave paraprake, një pjesë e çatisë ishte shembur dhe si pasojë i riu u rrëzua dhe ra nga 10 metra lartësi. Çdo përpjekje për ta rikthyer në jetë rezultoi e padobishme, pasi dëmtimet e pësuara nga rrëzimi nga një lartësi brenda ndërtesës ishin shumë të rënda.
Karabinierët po hetojnë dinamikën e aksidentit.
Në vendngjarje, përveç punonjësve shëndetësorë të Kryqit të Gjelbër të Porto Sant’Elpidio, ishte dhe nëna e djalit.
Sipas versionit të parë të ngjarjes, i riu kishte shkuar për të takuar dajën e tij, kompania e të cilit po kryen punimet e saldimit në godinën ku ndodhi aksidenti.
Discussion about this post