Arben Ahmetaj, ish-zv.Kryeministër, ka reaguar për herë të parë, që nga momenti që u raportua se ishte larguar nga Shqipëria, ndërsa SPAK i kërkoi Kuvendit autorizimin për arrestimin e tij.
Përmes një mesazhi që u lexua nga gazetari Blendi Fevziu në emisionin “Opinion”, deputeti socialist jepte sqarime se kur do të reagonte publikisht dhe do ti përgjigjej pyetjeve lidhur me dosjen e SPAK.
I ftuar në emision, gazetari Elvi Fundo thotë se pasi Ahmetaj dërgoi mesazhin në aplikacionin “Signal”, u zhduk dhe nuk figuron më numri teksa shton se nuk ka hyrë më në linjë.
Blendi Fevziu: Elvi ku është Ahmetaj?
Elvi Fundo: Telefoni u bllokua, thjesht erdhi kjo, çuam videon dhe para 4 ditësh kur e pyeta ku je, tak shkëputet. Dërgoi këtë mesazhin në sinjal dhe u zhduk, nuk figuron më numri. Nuk hyri më në linjë.
Nga reagimi i Arben Ahmetajt, u kuptua se ai ka ikur jashtë territorit të Shqipërisë për t’iu shmangur drejtësisë dhe siç duket nuk e ka ndërmend të kthehet.
Discussion about this post