Një 18-vjeçar ka humbur jetën mëngjesin e sotëm, ndërsa ka rënë nga tarraca e një pallati 8 katësh. Ngjarja ka ndodhur në orët e para të mëngjesit të sotëm në Korçë.
Nga raportimet mësohet se viktima është nga Durrësi dhe kishte shkuar në Korçë për festime.
Nga raportimet mësohet si viktima, bashkë me shokë të tij, kishin marrë një apartament me qira ditore në zonën e Termilanit, ndërsa dyshohet se i riu ka rënë nga taraca e pallatit 8-katësh, duke humbur jetën në vend.
Nuk dihet nëse kemi të bëjmë me një ngjarje aksidentale, apo një veprim të ndërmarrë nga i riu, nën efektin e alkoolit.
Njoftimi i policisë:
Më datë 25.12.2023, rreth orës 03:50, në lagjen nr. 17, Korçë, në trotuar, është gjetur i pajetë shtetasi G. M., 18 vjeç, banues në Durrës. Nga hetimet e para dyshohet se ky shtetas nën efektin e pijeve alkoolike, mund të jetë vetëhedhur nga tarraca e një pallati, në të cilin 18-vjeçari së bashku me disa shokë të tjerë kishin marrë me qera ditore, një hyrje apartamenti në katin e tetë (të fundit) të tij.
Trupi i pajetë është transportuar në morgun e spitalit Korçë, për të kryer veprimet mjeko-ligjore.
Shërbimet e Policisë kanë shoqëruar të gjithë personat që u gjetën në ambientin të cilin e kishin marrë me qera dhe vijon intervistimi i tyre për sqarimin e plotë të rrethanave dhe mekanizmit të ngjarjes së rëndë.
Grupi hetimor, nën drejtimin e Prokurorisë po vijon punën për zbardhjen dhe dokumentimin e plotë ligjor të ngjarjes.
Discussion about this post