Ditën e djeshme sipërfaqe të tëra me tokë bujqësore në Fier u mbuluan nga uji si pasojë e reshjeve të shumta dhe prurjeve të shumta në lumin “Vjosa”. Si rezultat i uljes së nivelit të prurjeve në lumin Vjosa, sot situata paraqitet e normalizuar dhe banorët që u evakuuan mbrëmjen e djeshme e kaluan tek të afërmit e tyre. Ndërkohë tokat bujqësore vijojnë të mbeten nën ujë tërheqja e ujërave nga vendbanimet e banorëve, ka lënë mbrapa vetëm baltë dhe papastërti.
“Në Vjosë nga ana e Ferrasit dhe Levanit te Fierit ka rënie të nivelit të prurjeve . Situatë është normalizuar ,por përsa i përket sipërfaqeve të tokave bujqësore janë nën ujë por edhe këto janë në rënie , gjithashtu banesat deri në mbrëmje kanë qenë të bllokuara, sot ujrat janë larguar por kanë lënë pas baltë e llumrat, familjarët kane fjetur te të afërmit e tyre mbrëmjen e djeshme. Po ashtu edhe rruga nacionale Levan Mifol , cila dje ishte pakalushme nga ujrat sot është në qarkullim”- thuhet në informacionin paraprak të prefekturës së Fierit.
Discussion about this post