Skuadra e Tottenhamit sfidon Leeds United këtë fundjavë në kampionatin anglez. Trajneri i Leeds, Marcelo Bielsa ka thurur elozhe për trajnerin e skuadrës londineze, Antonio Konten. Ai ka theksuar se tekniku italian i motivon maksimalisht lojtarët.
“Në futboll është e vështirë të krijosh diçka që nuk është parë më herët. Ajo që i bashkon të gjithë trajnerët është se të gjithë kërkojnë të marrin më të mirën nga futbollistët që ata drejtojnë. Kjo ka të bëjë me faktin sesi i motivon lojtarët dhe sesi i përgatit ndeshjet. Përsa i përket këtyre dy aspekteve në përgatitjen e ndeshjeve dhe në motivimin e futbollistëve, Conte është një mjeshtër”, deklaroi Marcelo Bielsa.
Discussion about this post