Eksperti i famshëm argjentinas Marcelo Bielsa, i njohur për metodat e tij të “çmendura” të stërvitjes, mund të bëhet trajneri i ri i kombëtares së Uruguait.
Kombëtarja amerikano-jugore, 15 herë fituese e Copa America ishte zhgënjyese në Botërorin e luajtur në Katar në fund të vitit të kaluar, ku tashmë ishte eliminuar në fazën e grupeve.
Në konkurrencë me Portugalinë, Korenë e Jugut dhe Ganën, ata nuk arritën të avancojnë, prandaj Federata e falënderoi ish-trajnerin Diego Alonso (47).
Mediat në këtë vend shkruajnë se është Bielsa ai që është një kandidat serioz për t’u ulur në stolin e kombëtares uruguaiane, që do të ishte angazhimi i tij i tretë ndërkombëtar.
Në karrierën e tij të deritanishme ka drejtuar ekipet kombëtare të Argjentinës dhe Kilit, ndërsa në futbollin e klubeve ka provuar si trajner i Espanyol, Athletic Bilbao, Marseille, Lazio, Lille dhe Leeds.
Angazhimin e fundit e pati me skuadrën angleze, të cilën e përfundoi vitin e kaluar pas një sërë rezultatesh negative.
Discussion about this post