Të dhënat hedhin dritë mbi bilancin e frikshëm se si po përhapet me shpejtësi varianti delta në Shqipëri. Nëse i referohemi periudhës kohore të muajit të fundit, nga data 3 gusht deri në datën 3 shtator rezulton se numri i të infektuarve është 24-fishuar. Sipas Ministrisë së Shëndetësisë rreth 10 mijë e 800 persona të rinj të infektuar me covid.
Tirana, Durrësi, Vlora qëndrojnë në krye të qyteteve me numrin më të lartë të rasteve aktive duke u kthyer në zona të kuqe, ndërsa Dibra dhe Kukësi vijojnë të kenë numrin më të ulët.
Me shtimin e të prekurve është rritur dhe numri I atyre që kanë nevojë për trajtim spitalor duke detyruar ministrinë e shëndetësisë të rihapë spitalin Covid-3 për të pritur pacientët.
94 persona më tepër se në fillim të gushtit po marrin ndihmën e mjekëve në spitalin Infektiv duke ezauruar kapacitetet e Covid 1.
Ndërkohë 51 të infektuar muajin e fundit kanë humbur betejën me Covid 19 duke bërë që numri i viktimave prej tij që në fillim të pandemisë të shkojë në 2508 persona.
