Slaven Biliç ofrohet të marrë drejtimin e Ukrainës pa para. Trajneri i mirënjohur kroat, i cili është i papunë që prej largimit nga Watfordi, ka nisur negociatat me drejtuesit e Federatës Ukrainase të Futbollit.
Këta të fundit nuk besojnë te aftësitë manaxheriale të Ruslan Rotan, i cili është aktualisht në krye të skuadrës dhe janë duke menduar shkarkimin e tij dhe zëvendësimin me Biliç.
Por ajo që vlen të theksohet, është padyshim solidariteti i Biliç me situatën në Ukrainë, që prej më shumë se një viti po vuan pushtimin në shkallë të gjerë nga ana e Rusisë.
Tekniku kroat është ofruar ta drejtojë Ukrainën falas, pra duke mos pretenduar asnjë pagë nga federata vendase. Ky është një akt i lartë solidariteti nga ana e Biliç, që në një moment të vështirë për Ukrainën, ofrohet të japë kontributin e tij, pa marrë para në këmbim.
Discussion about this post