Presidentja e Kosovës Vjosa Osmani zhvilloi sot një bisedë telefonike me zëvendëspresidenten e Shteteve të Bashkuara të Amerikës, Kamala Harris. L
ajmin e ka bërë të ditur presidenca nëpërmjet një njoftimi për media, ndërsa bëhet e ditur se Osmani ka falënderuar Harris për donacionin prej mbi 500 vaksinash Pfizer.
“Palët diskutuan dhe për situatën me pandeminë, me ç’rast Presidentja Osmani i falënderoi dhe njëherë SHBA-të dhe presidentin Biden për donacionin prej mbi 500.000 vaksinash. Presidentja Osmani tha që një veprim i tillë e ka vulosur edhe njëherë miqësinë e palëkundshme në mes të dy vendeve tona, si dhe është dëshmia më e pastër e përkrahjes së parreshtur të SHBA-ve për vendin tone”, thuhet ndër të tjera në njoftim.
Ndërkaq, zëvendëspresidentja amerikane është shprehur falënderuese ndaj Kosovës për strehimin e afganëve. Presidentja Osmani e ka ftuar zv/presidenten Harris në një vizitë në Kosovë.
