Pasditen e 20 nëntorit, me urdhër të SPAK, u zhvillua një operacion që çoi në arrestimin e disa personave, të tjerë ndodhen në kërkim, në kuadër të një grupi kriminal, ku bënte pjesë edhe Ervin Mata.
Nga përgjimet e publikuara rezulton si të përfshirë edhe zyrtarë të Policisë, si në rastin e Dedan Gjonit, i cili mbante funksionin e shefit të Krimeve në Komisariatin nr. 6 në Tiranë.
Mediat kanë publikuar bisedat në “Sky Ecc” që Dedan Gjoni ka pasur me Ismail Zenelin dhe persona të tjerë, lidhur me vëllezërit Albert dhe Edmond Nela, për të cilët ishte thurur një plan vrasjeje.
Nga përgjimet e Sky rezulton se me datë 09.02.2021, shtetasit Ismail Zeneli dhe Bujar Ajeti kanë shkuar në Elbasan të takohen me, Dedan Gjonin, i cili në këtë periudhë ka qenë i punësuar pranë Drejtorinë Vendore të Policisë Elbasan.
Shtetasi Ismail Zeneli ka hyrë në ambientet e Drejtorise Vendore të Policisë Elbasan në zyrën e Dedan Gjonit dhe ka marrë informacione nga sistemet TIMS dhe E-Gjoba lidhur me vëllezërit Albert dhe Edmond Nela.
Zbardhja e bisedës
Ne orën 08:52:47 Ismail Zeneli komunikon me përdoruesin Dedan Gjoni dhe i dërgon mesazhet:
Ismail Zeneli-Mgies, Si t’kam, A je në punë…
Dedan Gjoni- Gjes.
Ismail Zeneli-Të vij të takoj..
Dedan Gjoni-Po në zyre…
Ismail Zeneli-Po vi andej..
Dedan Gjoni-Ok, Këtu me ke..
Ismail Zeneli-Ok
Ne këto orë, shtetasi Ismail Zeneli ka qenë në kryeqytet pasi në orën 08:56:16 ka komunikuar në grupin e gatit dhe i tregon që është në Kamëz. Ai ka dërguar mesazhet:
Ismail Zeneli-A po del ne kamerë
“X” Po fleta daj. Për sa je në Kamëz…
Ismail Zeneli-Ktu jam.
Në orën 11:09:26 shtetasi Ismail Zeneli komunikon me Dedan Gjonin dhe i tregon që ka mbërritur në Elbasan. Ata shkëmbejnë mesazhet:
Ismail Zeneli-Shok, Jam këtu
Dedan Gjoni-Dola.
Ismail Zeneli- Shok jam me ca familjarë. Takohemi 5 min.
Dedan Gjoni-Unë dola. Haha. Ok Me thuaj kur të lirohesh..
Ismail Zeneli-Nji minutë. Ku je? Shok jam përball policisë. Shok.
Dedan Gjoni-Ku je? Sa hyra brenda.
Ismail Zeneli- Jam tek policia, përballë noterisë, qenka një noteri Gjorgja, Gjorga. Këtu në cep të policisë jam.
Dedan Gjoni- Je në makinë apo në këmbë? Hajde hajde, a do vish këtu te unë apo të dal jashtë?
Ismail Zeneli- Deshta me ardh me ty 2 minuta, se s’mund të rri me ty se kam ca njerëz që jam duke shkuar me pa, me pi një kafe me një vdekje. Jam tek drejtoria, drejtoria e policisë…
Discussion about this post