Ambasada e Gjermanisë në Kosovë në një përgjigje dërguar Radio Evropës së Lirë, ka thënë se pret që në Ohër, më 18 mars kur pritet të takohen Albin Kurti e Aleksandar Vuçiç, të ketë rënie dakord të palëve për ta zbatuar planin e Bashkimit Europian, për të cilin Kurti u ra dakord në Bruksel.
“Që kjo të ketë sukses, të dyja palët duhet të pajtohen të zbatojnë marrëveshjen”, u shpreh Ambasada gjermane në përgjigjen dërguar REL.
Sipas ambasadës, takimi i ri në Ohër, shënon një hap të rëndësishëm, drejt te tejkalimit të pengesave.
“Raportet e pazgjidhura mes Kosovës dhe Serbisë vazhdojnë të paraqesin pengesë. Takimi i ri i nivelit të lartë në Ohër shënon një hap të rëndësishëm drejt tejkalimit të kësaj pengese dhe avancimit në rrugën evropiane”, thanë nga Ambasada gjermane.
Kujtojmë se Kurti e Vuçiç, u pajtuan në Bruksel, për marrëveshjen e propozuar nga BE.
Discussion about this post