Ashtu si qytetarët edhe bizneset ankohen për rritjen e çmimeve të disa shërbimeve, si nafta, taksa dhe shumë të tjera. Komuniteti i biznesit apelon se qeveria duhet të mbajë përgjegjësi për rritjen e kostove dhe për rrjedhojë e shtrenjtimit të çmimeve në treg, nëpërmjet politikave fiskale.
Për sipërmarrësit sikur të mos mjaftonin kostot e rritura nga tregjet ndërkombëtare, tashmë tarifat e energjisë elektrike po dyfishohen, pasi OSHEE propozoi një tarifë të re për muajin janar.
“Unë uroj që Enti Rregullator të mos i miratojë këto tarifa të reja, pasi çdo çmim final ka të bëjë me kostot në treg. Para se qeveria të mendojë vetëm për rritje, duhet të hartojë një strategji të qartë të zhvillimit të tregut energjetik, e deri sa kjo ide të konkretizohet, ajo që pritet është falimentim i bizneseve”, shprehet Nikolin Jaka nga dhoma e tregtisë dhe Industrisë Tiranë.
Një tjetër kosto që pritet të rëndojë më tej bizneset prodhuese vendase është vendosja prej 6 lekësh të akcizës së gazit që përdoret në industri, një masë që do të gjejë zbatim nga korriku i këtij viti.
Discussion about this post